DANGOSIADAU SINEMA GYDA DISGRIFIADAU CLYWEDOL AC ISDEITLAU YSGAFN
AR GAEL BELLACH MEWN DEG O GANOLFANNAU CELFYDDYDOL AR DRAWS CYMRU
Ym mis Medi 2007, lansiodd deg o ganolfannau celfyddydol
ddangosiadau o ffilmiau gydag isdeitlau a disgrifiad clywedol, a thrwy
hynny bydd pobl fyddar a’r rhai sy’n drwm eu clyw, pobl ddall
a’r rhai â nam ar eu golwg yn gallu mwynhau’r profiad
sinema gyda ffrindiau a theulu.
Yng Nghymru, mae dros 480,000 o unigolion
sydd wedi colli’u clyw neu sy’n dioddef anawsterau yn ymwneud â’r
clyw a 100,000 sydd â choll golwg difrifol. Gan fod bron pob ffilm
sinema boblogaidd sy’n cael ei rhyddhau ar gael erbyn hyn gydag
isdeitlau ar gyfer y rhai sydd â nam ar eu clyw a disgrifiad clywedol
ar gyfer pobl sy’n dioddef o ddiffyg ar eu golwg, bydd y prosiect
newydd hwn yn dod â manteision sylweddol i gynulleidfaoedd ar hyd
ac ar led Cymru.
Cychwynnodd y prosiect ym mis Mehefin 2006 pan gytunodd
deg o ganolfannau celfyddydol i fod yn rhan o’r cynllun hwn yn
dilyn ymchwil a gomisiynwyd gan Gyngor Celfyddydau Cymru. Ar ôl
archwiliad llawn o’r cyfleusterau taflunio ac yn dilyn derbyn nawdd
ariannol gan gynllun Loteri Cyfalaf Cyngor Celfyddydau Cymru, aeth Creative
Mwldan Creadigidol (canolfan i’r cyfryngau yn Aberteifi) ati i
reoli’r dasg o osod cyfarpar technegol, cefnogi oedfannau drwy
ddarparu hyfforddiant priodol i’r staff ac i gydweithio gyda Chyngor
Celfyddydau Cymru ac Asiantaeth Ffilm Cymru er mwyn lansio a marchnata’r
cyfleusterau newydd yn 2007.
Bu sefydlu safon arfer gorau cyffredin yn
rhan bwysig o’r prosiect hwn er mwyn sicrhau lefel resymol o ddangosiadau
hygyrch ac i wneud yn siŵr bod y cyfleusterau newydd yn cael eu
marchnata’n briodol. Mae’r Safon hwn yn ffrwyth ymchwil ac
ymgynghori gyda sefydliadau megis Celfyddydau Anabledd Cymru, RNID, RINB
a yourlocalcinema.com
Cliciwch yma i lawrlwytho Marchnata
a Rhaglennu Sinema â Disgrifiadau Sain ac Isdeitlau - Canllaw Ymarfer
Da
[3Mb !]
Yn
ychwanegol at y prosiect, mae Creative Mwldan Creadigidol, gyda nawdd
Grant Bychan i Sefydliadau gan Gyngor Celfyddydau Cymru, wedi paratoi
hysbyslun sinema fydd yn cael ei ddangos ym mhob un o’r oedfannau
sy’n cymryd rhan er mwyn hybu dangosiadau gydag isdeitlau a disgrifiadau
clywedol.
Mae’r oedfannau
sy’n cymryd rhan wedi ymrwymo i raglen reolaidd o ddangosiadau
hygyrch. Os gwelwch yn dda, cysylltwch â’r oedfan yn uniongyrchol
(cliciwch yma am fanylion cyswllt
yr oedfannau) am fanylion y rhaglen
neu ewch i www.yourlocalcinema.com .
Cyswllt y Prosiect
Sam Vicary Rheolwr Prosiect
Creative Mwldan Creadigidol
Clos y Bath House
Aberteifi Ceredigion SA43 1JD sam@mwldan.co.uk
Cliciwch yma i ddweud wrth ffrind
